विज्ञानाचे महत्त्व निबंध - importance of science essay in marathi

विज्ञानाचे महत्त्व निबंध - Vidnyanache mahatva essay in marathi आजचे युग हे पूर्णपणे विज्ञानाचे युग बनले आहे. आजच्या काळात असे कोणतेच क्षेत्र नाही की, जेथे विज्ञान आणि विज्ञानाचे शोध उपलब्ध नाहीत. विज्ञानाने शक्य न होणाऱ्या गोष्टी आज शक्य केल्या आहेत. आपले रोजचे कार्य विज्ञानावर अवलंबून आहे. या युगात विज्ञानाचे महत्त्व व फायदे इतके वाढले आहेत की, आपल्याला दिवस-रात्र कोणत्याही कामात विज्ञानाची मदत घ्यावी लागत आहे. या विज्ञानाच्या अविष्कारांनी आपले मानवी जीवन खूप सोपे आणि आरामदायक बनवले आहे. 


विज्ञानाचे_महत्त्व_निबंध

आज विज्ञानासोबत आपण सर्वजण कायम जोडलेले असतो. या विज्ञानाचे महत्त्व काय आहे आणि कोणत्या क्षेत्रात विज्ञान आपल्याशी संबंधित आहे? हे आपल्याला माहिती आहे काय? जर आपल्याला माहित नसेल तर हि पोस्ट फक्त आपल्यासाठी आहे.  कारण या पोस्टमध्ये आपण विज्ञानाचे महत्त्व निबंध याबद्दल संपूर्ण माहिती जाणून घेणार आहेत. तसेच हि पोस्ट आपल्याला विज्ञानाचे फायदे तोटे मराठी निबंध या विषयासाठी देखील उपयुक्त ठरेल. आपण जर विद्यार्थी असाल, तर हा लेख आपल्यासाठी अधिक फायदेशीर ठरेल.

विज्ञानाचे महत्त्व निबंध - importance of science in marathi

विज्ञानाचे महत्व आपल्या जीवनात इतके महत्त्वपूर्ण झाले आहे की, आपण सकाळी उठल्यापासून ते रात्री झोपेत असताना पर्यंतच्या सर्व क्रिया विज्ञानाने प्रदान केलेल्या साधनांच्या आधारे केल्या जातात.

माणसाने प्रत्येक क्षेत्रात मोठी प्रगती केली आहे. हे विज्ञानामुळे शक्य झाले आहे. विज्ञानाचा मानवी जीवनाशी खोल संबंध आहे. विज्ञानाच्या या युगात माणसाला विज्ञानाच्या साहाय्याशिवाय अस्तित्व नाही.

मानवी जीवनातील समस्या सोडविण्यात विज्ञानाची भूमिका फार महत्त्वाची आहे. विज्ञानाचे महत्त्व आज
औद्योगिक क्षेत्र, शिक्षण क्षेत्र, कृषी क्षेत्र, वैद्यकीय क्षेत्र, वायरलेस संप्रेषण क्षेत्र, वाहन क्षेत्र, मनोरंजन क्षेत्र अश्या अनेक क्षेत्रात दिवसेंदिवस वाढत चालले आहे.

विज्ञान हे आत्ताच्या युगाचे सर्वात मोठे आणि महत्वाचे आधारस्तंभ आहे आणि हे एक गतिशील ज्ञान आहे जे एका नव्या जीवनातून नव्या अनुभवांमध्ये विस्तारत असते. आज मानवी जीवनाचे कोणतेही क्षेत्र विज्ञानाच्या शोधामुळे अस्पृश्य राहिले नाही. विज्ञानाच्या कर्तृत्वाची चिन्हे आपल्या आजच्या युगाच्या पायरीवर नेहमी विखुरलेली आहेत. कालांतराने आजचे मानवी जीवन हे आधुनिकतेचा अवलंब करीत आहे. म्हणून आपल्याला विज्ञानाचे फायदे आणि तोटे यांचे ज्ञान असणे आवश्यक आहे.

विज्ञानाचे फायदे तोटे - science advantage and disadvantage in marathi

विज्ञानाचे फायदे

▪ विज्ञानामुळे आपल्याला अधिक ज्ञान प्राप्त झाले आहे. आज विज्ञानाच्या कर्तृत्वामुळे आपल्या जीवनात एक मोठा बदल झाला आहे. आपले संपूर्ण जग एक झाले आहे. आपल्या संपूर्ण जगाला एका सूत्रात बांधले आहे.

▪ विज्ञानाच्या असंख्य शोधांमुळे आपले मानवी आयुष्य पूर्वीपेक्षा अधिक सुखकर झाले आहे. यामुळे श्रम आणि वेळ वाचला आहे.

▪ विज्ञानामुळे बारीक सुईपासून ते उंच असलेल्या आभाळातील अंतर मोजणे शक्य झाले आहे.

▪ विज्ञानाने अंधारावर प्रकाश निर्माण करुन विद्युत शास्त्राची ओळख संपूर्ण जगाला करुन दिली आहे. आपण पाहिले तर आजच्या जगात प्रत्येक जागी विज वापरली जाते. विचार करा विज नसेल तर काय होईल?

▪️विज्ञानामुळे आपल्या दररोजच्या सुखसोयी वाढल्या आहेत. जसे की, आपण घालतो ते कपडे धोण्यासाठी वॉशिंग मशीन, हिवाळ्यात पाणी गरम करण्यासाठी हिटर, अन्न शिजवण्यासाठी गॅस, उन्हाळ्यात थंड पाणी पिण्यासाठी फ्रीज, प्रकाशासाठी लाईट, थंड हवेसाठी पंखा-कुलर-एसी, मनोरंजनासाठी टीव्ही-रेडिओ, बाहेर फिरण्यासाठी गाडी यांसारख्या बऱ्याच गोष्टी या विज्ञानामुळे शक्य झाल्या आहेत.

▪ विज्ञान हे वैद्यकीय क्षेत्रात खरोखरच मोठे वरदान ठरले आहे. विज्ञानाने असाध्य व जीवघेण्या रोगांवर उपचार शोधून काढून विजय मिळविला आहे. या उपचारांमुळे मानवांचे आयुष्य वाचविण्यात आणि मृत्यूची संख्या कमी होण्यास सक्षम झाले आहे.

▪ विज्ञानामुळे आपण आज दुचाकी, मोटार सायकल, बस, गाड्या, विमान, जहाज यांच्याद्वारे अगदी कमी वेळात एका देशातून दुसऱ्या देशात जाऊ शकतो. आपल्या मनुष्याने विज्ञानाच्या मदतीने चंद्रावर विजय मिळवला आहे.

मोबाईल फोन, संगणक आणि इंटरनेट यांच्या मदतीने आपण जगाच्या एका कोपऱ्यातून काही सेकंदात जगाच्या दुसऱ्या कोणत्याही कोपऱ्यात संपर्क साधू शकतो. हे आपल्या मानवी जीवनासाठी चमत्कारापेक्षा कमी नाही. हे केवळ विज्ञानामुळे शक्य झाले आहे.

▪ आपण कधी विचार केला होता का? की आपण हवेत उडू शकू. पण विज्ञानामुळे हे शक्य झाले आहे.  या युगात आपण पक्षांप्रमाणे आकाशात फिरू शकतो.

▪ विज्ञानाने तयार केलेल्या मोठ मोठ्या मशीन निर्मितीमुळे कारखान्यांना, कंपन्यांना चालना मिळाली आहे. या मशीनमुळे कमी मनुष्यबळ, वेळेची बचत आणि जास्त उत्पादन होण्यास मदत झाली.

▪ विज्ञानाने कृषी क्षेत्रात बराच विकास केला आहे. शेतीसाठी लागणारे रासायनिक खते, आधुनिक साधने, कीटकनाशके आणि कृत्रिम सिंचन साधने तयार केल्यामुळे कृषी क्षेत्राचे उत्पन्न वाढले आहे.

▪ आज आपल्या मनोरंजनासाठी जे काही साधन किंवा स्रोत उपलब्ध आहेत. हे विज्ञानाची देण आहे. जेव्हा आपल्याला कंटाळवाणे किंवा सुस्तपणा जानवू लागतो तेव्हा आपण टिव्ही, रेडिओ, यांसारख्या साधनांची मदत घेतो.

▪ रेडिओ, मोबाईल, इंटरनेट, टेलिव्हिजन यांच्याद्वारे आपण त्वरित कोणत्याही बातम्या, संदेश आणि कल्पना पाठवू शकतो.

▪ विज्ञानामुळे आपल्याला संपूर्ण जगामध्ये काय चालू आहे, काय घडत आहे याबद्दलची संपूर्ण माहिती डिश वरच्या न्यूज चॅनल्स वर पाहायला मिळते.

विज्ञानाचे तोटे

▪ नाण्याच्या दोन बाजूंप्रमाणेच आपण असेही म्हणू शकतो की, विज्ञानाचे दोन पैलू आहेत, एक फायदेशीर आहे आणि दुसरा हानिकारक.

▪ विज्ञानाने असे काही विध्वंसक शस्त्रे तयार केली आहेत. ज्यामुळे काही सेकंदात सर्वनाश करता येतो.
लेजर बीम, कोबाल्ट बम आणि मेगाटन बॉम्बच्या शोधांनी मानवजातीचा नाश होण्याच्या शक्यतेस आणखीन चालना दिली आहे. हि शस्त्रे चुकीच्या हातात पोहचल्यास संपूर्ण मानवजातीसाठी समस्या बनतील.

▪ विज्ञानाने केवळ रोबोट्सचा शोध लावला नाही तर काही बाबतीत माणसाला रोबोटमध्ये रुपांतर केले आहे. अत्यधिक औद्योगिकीकरणामुळे वायू प्रदूषण आणि इतर आरोग्यास धोका निर्माण झाला आहे.

▪ विज्ञानाला त्याच्या अत्याचारी वापरासाठी दोषी ठरवले जाऊ शकत नाही. कारण विज्ञानाच्या दुरुपयोगासाठी मनुष्य स्वतः जबाबदार आहे.  आपण विज्ञानाचा योग्य वापर करतो की गैरवापर करतो हे पूर्णपणे आपल्यावर अवलंबून आहे

आपण एक जबाबदार नागरिक असाल तर आपण विज्ञानाचा वापर गरजेनुसार व मानवतेच्या हितासाठी केला पाहिजे.


वाचा ➡️विज्ञान शाप की वरदान मराठी निबंध

➡️इंटरनेट शाप की वरदान निबंध मराठी


मला आशा आहे की, आपल्याला विज्ञानाचे महत्त्व - विज्ञानाचे फायदे तोटे मराठी निबंध याबद्दल संपूर्ण माहिती मिळाली असेल तसेच आपल्याला या पोस्टमधे काही शंका असल्यास किंवा त्यामध्ये काही सुधारणा झाली पाहिजे अशी आपली इच्छा असल्यास, यासाठी आपण कमेन्ट मध्ये लिहू शकता. आपल्याला ही पोस्ट आवडली असेल किंवा आपल्याला त्यापासून काही शिकायला मिळालं असेल तर कृपया आपला आनंद आणि उत्सुकता दर्शविण्यासाठी आपल्या मित्रांना हि पोस्ट शेअर करायला विसरू नका. ☺️

आपला अमूल्य वेळ दिल्याबद्दल धन्यवाद.🙏🏻

टिप्पणी पोस्ट करा

थोडे नवीन जरा जुने